Ekron - Markmið EKRON

Markmið EKRON



Markmiðið er að aðstoða fólk við að byggja sig upp fyrir framtíðina þannig að það geti tekið virkan þátt í þjóðfélaginu á ný. Þjónusta EKRON er fyrir alla einstaklinga, 18 ára og eldri sem hafa ekki gott aðgengi að vinnu og er þátttakendum að kostnaðarlausu Mikið og þétt utanumhald verður um hvern einstakling og þá sérstaklega í upphafi með það að markmiði að auka kröfur til viðkomandi einstaklinga og auka ábyrgð þeirra gagnvart sjálfum sér. Mætingarskylda mun verða út allt prógrammið og mun verða frá sex mánuðum og upp í 18 mánuði. Einstaklingar geta lokið starfsþjálfuninni á mislöngum tíma. Fer það eftir því hvenær upphaflegu markmiðum meðferðarinnar er náð. Að virkja mannauð hvers og eins og áhersla lögð á gagnvirka aðlögun einstaklingsins við sitt félagslega umhverfi, sem er forsenda þess að einstaklingurinn nái að þróa raunhæfa sjálfsmynd og sjálfsábyrgð. Að einstaklingurinn finni út hæfni sína og þrói tengsl við aðra og læri að nýta samfélagslegar bjargir. Að auka sjálfstraust, ákvarðanatöku og færni í starfsleit eða að hefja nám. Að ná fullri færni og getu til atvinnuþátttöku og/eða náms.